Toshkentda ayrim avtobus yo‘nalishlari vaqtincha o‘zgardi

Jamiyat

image

Toshkent shahrida davom etayotgan bunyodkorlik va obodonlashtirish ishlari jamoat transporti harakatiga ham o‘z ta’sirini ko‘rsatmoqda. Xususan, shu sabab yo‘llarda tirbandliklar yuzaga kelmoqda, bu esa jamoat transporti  – avtobuslar harakati, ular o‘rtasidagi intervallarning uzayib ketishiga olib kelmoqda. Ana shunday muammolarning oldini olish maqsadida ayrim avtobus yo‘nalishlariga vaqtincha o‘zgartirishlar kiritilmoqda. 

Jumladan, Toshkent shahrining Yangi Sergeli yo‘li va Choshtepa ko‘chalari chorrahasi yopilganligi munosabati bilan “4-avtobus saroyi” MCHJga biriktirilgan 57-,84-,122-avtobus yo‘nalishlari harakati vaqtincha o‘zgartirildi. 

57-sonli “Erkin qo‘rg‘oni – Oloy bozori” va 84-sonli “Obod turmush MFY – Gulobod ko‘chasi” avtobus yo‘nalishlarining “Erkin qo‘rg‘oni” bekatidan harakatlanish yo‘nalishi bir tomonlama, ya’ni, Choshtepa, Yangi Sergeli yo‘li ko‘chalari, THAY ko‘prigi va Yangi Sergeli yo‘li ko‘chasi orqali o‘tib, keyingi harakatni o‘z yo‘nalishida davom ettiradi. 122-sonli “Karvon bozori – Qo‘yliq M2” avtobus yo‘nalishining “Qo‘yliq bozori” bekatidan harakatlanish yo‘nalishi bir tomonlama — THAY, Yangi Sergeli yo‘li ko‘chalari, Yangi Sergeli yo‘li va Gavhar ko‘chalari chorrahasi, Yangi Sergeli yo‘li va Choshtepa ko‘chalari orqali o‘tib, keyingi harakatni belgilangan yo‘nalishda davom ettiradi.

Shahnoza To‘ramurotova


Maqola muallifi

avatar

.

Teglar

o'zgartirishlar avtobuslar harakati

Baholaganlar

18

Reyting

2.9

Maqolaga baho bering

Doʻstlaringiz bilan ulashing