Toshkentda 8 ta transport to‘qnashdi
3-sahifa
−
13 dekabr 2021 8698 1 daqiqa
Kecha, 12 dekabr kuni Toshkentning Chilonzor tumanida 8 ta transport vositasi ishtirokida yo‘l-transport hodisasi sodir bo‘ldi. Bu haqda poytaxt IIBB Matbuot xizmati xabar berdi.
YTH taxminan soat 15:00 da Chilonzor tumani Do‘mbirobod chorrahasida yuz bergan. 70-son yo‘nalish bo‘yicha harakatlanuvchi Isuzu rusumli avtobus haydovchisi boshqaruvni yo‘qotgan. Oqibatda Labo, Spark, Nexia-3, ikkita Matiz, Lacetti va Nexia-2 avtomobillari to‘qnashgan.
To‘qnashuv oqibatida avtobus yo‘lovchisi va Labo haydovchisiga tan jarohati olgan. Ularga tibbiy yordam ko‘rsatildi.
Mazkur fakt bo‘yicha Toshkent shahar IIBB xodimlari tomonidan tergov oldi tekshiruvi o‘tkazilmoqda.
Live
Barchasi“Samarqand darvoza”da Tahoe yonib ketdi
19 dekabr
