Toshkentda 3 ta avtomobil ishtirokidagi YTHda ikki kishi jarohatlandi

Bugun, 27 yanvar kuni Toshkent shahrining Mirobod tumanida Ford Mustang, Tracker-2 va Onix to‘qnashib, dahshatli yo‘l transport hodisasi sodir bo‘ldi. Bu haqda poytaxt Yo‘l harakati xavfsizligi boshqarmasi xabar berdi. 

Qayd etilishicha, YTH taxminan soat 01:20 da Mirobod tumanining Shahrisabz ko‘chasida sodir bo‘lgan. 

2001 yilda tug‘ilgan I.A. boshqaruvidagi Ford Mustang rusumli transport vositasi, 2003 yilda tug‘ilgan X.T. boshqaruvidagi Tracker-2 rusumli transport vositasi, 2005 yilda tug‘ilgan  A.S. boshqaruvidagi Onix rusumli avtomashinalari o‘zaro to‘qnashuvi oqibatida yo‘l-transport hodisasi sodir bo‘lgan.

YTHda Tracker-2 avtomashinasi yo‘lovchisi, 2008 tug‘ilgan M.E. hamda haydovchisi tan jarohati olganligi sababli shifokorlar tomonidan birinchi tez tibbiy yordam ko‘rsatilgan.

Holat yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.