Toshkentda 3 ta avtomobil ishtirokida YTH yuz berdi (video)

Toshkent shahar Shayxontohur tumanida 3 ta avtomobil ishtirokida yo‘l-transport hodisasi sodir bo‘ldi. Bu haqda Ichki ishlar boshqarmasi Yo‘l harakati xavfsizligi boshqarmasi xabar berdi.

Qayd etilishicha, bugun, 17 yanvar kuni soat 01:30 larda Shayxontohur tumani Sebzor ko‘chasidagi ko‘prik ustida Lacetti, HOWO yuk transport vositasi va Lacetti avtomashinalari ishtirokida yo‘l-transport hodisasi sodir bo‘lgan va oqibatda Lacetti ag‘darilib ketgan. Hodisaga sabab bo‘lgan haydovchining 17 yosh ekani va tezlikni me’yoridan oshirib yuborgani, shuningdek, hujjatlari mavjud emasligi aniqlangan.

Bildirilishicha, YTH oqibatida tan jarohat olganlar yo‘q. Holat yuzasidan Toshkent shahar IIBB YHXB tomonidan surishtiruv ishlari olib borilmoqda.

Eslatib o‘tamiz, avvalroq Toshkent shahar Mirzo Ulug‘bek tumanida piyodaga yo‘l berish uchun to‘xtagan Nissan boshqa avtomobil aybi bilan ularni urib yuborgan edi. YTH oqibatida piyodalarga birinchi tez tibbiy yordam ko‘rsatilgan.