Toshkent viloyatida 6 mashina avariyaga uchradi
Jamiyat
−
23 Oktabr 2023
1010121 oktyabr kuni Toshkent viloyati O‘rta Chirchiq tumanida 6 ta mashina ishtirokida yo‘l-transport hodisasi sodir bo‘ldi. Bu haqda viloyat IIBB YHXB matbuot xizmati xabar bermoqda.
“Hodisa 21 oktyabr kuni soat 20:00 larda tuman hududidan o‘tgan 4R-22 avtomobil yo‘lining 20-kilometrida sodir bo‘lgan”, deyiladi xabarda.
Ma’lumotlarga ko‘ra, 6 ta transport vositasi to‘qnashib ketgan. Bunga haydovchilar oraliq masofani saqlamagani sabab bo‘lgan.
Mashinalar haydovchilariga birinchi tez tibbiy yordam ko‘rsatilgan. Ma’lum qilinishicha, hodisa oqibatida hech kim jabrlanmagan.
Eslatib o‘tamiz, joriy yilning 18 oktyabr kuni Surxondaryo viloyatidagi temiryo‘l kesishmasida teplovoz Spark rusumli avtomobil bilan to‘qnashib ketgani haqida xabar berilgan edi.
Avvalroq, Samarqand shahrining Sadriddin Ayniy ko‘chasida sodir bo‘lgan YTH oqibatida uch kishi halok bo‘lgandi.
LiveBarchasi