Toshkent shahridagi to‘siqlardan xabardor qiluvchi maxsus geoportal ishga tushdi
Jamiyat
−
19 aprel 2020 8543
Karantin sababli avtomobillarning qatnovini vaqtincha cheklash maqsadida Toshkent shahridagi ko‘cha va mahallalarda to‘siqlar o‘rnatildi. Bu tadbir karantin qoidalari doirasida amalga oshirildi. Maxsus ruxsatnomaga ega va o‘ta zarur hollarda harakatlanayotgan avtomobil egalarining aksariyati mazkur to‘siqlar qaysi joylarda o‘rnatilganini bilmaydi.
Shu maqsadda Toshkent shahri bo‘ylab o‘rnatilgan to‘siqlar qayerlarda joylashtirilganini ko‘rsatib turuvchi geoportal ishga tushirildi.
Ma’lumotlarga ko‘ra, Davergeodezkadastr qo‘mitasi hamda Toshkent shahar IIBB hamkorligida yaratilgan geoportalda to‘siqlar joylashgan joy xaritada qizil chiziqlar bilan aks ettirilgan. Bugunga kelib ularning soni 1415 tani tashkil etmoqda.
Ta’kidlanishicha, geoportal barcha uchun ochiq shaklda ishlaydi. Unga ushbu sayt orqali kirib, foydalanish mumkin.
Live
Barchasi
