Top-5 chempionatlarida qaysi jamoalar mag‘lub bo‘lmagan?

Joriy yilgi mavsumda Yevropaning top-5 chempionatlarida hamon mag‘lub bo‘lmagan ikkita jamoa qoldi. Ulardan biri “Napoli” bo‘lsa, ikkinchisi “Milan” hisoblanadi. 

Kecha, 7 noyabr kuni A cyeriyaning 12-turida Neapol klubi o‘z maydonida “Verona” bilan 1:1 hisobida durang o‘ynagan bo‘lsa, “Milan” va “Inter” o‘rtasida kechgan Milan derbisida xuddi shu hisob qayd etildi.

12-turdan so‘ng, “Napoli” va “Milan” 32 ochko jamg‘argan. Ammo Luchano Spalletti boshchiligidagi neapolliklar qo‘shimcha ko‘rsatkichlar bo‘yicha jadvalning 1-pog‘onasidan joy olgan. 

Eslatib o‘tamiz, o‘tgan haftada “Liverpul” va “Frayburg” o‘z ligalarida mavsumdagi ilk mag‘lubiyatni qabul qilib olgandi. Yurgen Klopp shogirdlari safarda “Vest Xem”ga 2:3 hisobida imkoniyatni boy bergan bo‘lsa, frankfurtliklar “Bavariya” qarshiligini sindira olishmagan. 

Ma’lumot uchun, kelasi turda “Milan” o‘z maydonida “Fiorentina”ni sinovdan o‘tkazsa, “Napoli” “Inter” maydoniga safar uyushtiradi.