Tokio-2020: bokschi Sanjar Tursunov ilk bosqichdayoq mag‘lub bo‘ldi

Sport

−

24 iyul 2021 visibility7339 timer1 daqiqa

Bugun, 24 iyul kuni erkaklar o‘rtasida boks bahslariga start berildi. -91 kg vazn toifasida ishtirok etayotgan Sanjar Tursunov ilk bosqichda mag‘lubiyatga uchradi.

Jazoirlik Abdelxafid Benchabla ushbu bahsda hakamlarning qarori bilan g‘alaba qozondi. U dastlabki raunddagi faollik va asosan qarshi hujumlar natijasida Tursunovni mag‘lub etishni uddaladi.

Shu tariqa musobaqalarning dastlabki kungi bellashuvlari o‘zbekistonlik sportchilar uchun o‘ta muvaffaqqiyatsiz o‘tdi.

Ma’lumot o‘rnida O‘zbekiston Olimpiya o‘yinlarining boks bellashuvlarida to‘liq tarkibda — 8 nafar bokschi bilan ishtirok etmoqda. Endilikda, o‘zbek bokschilari 7 vazn toifasida ringga ko‘tariladi.

Shuningdek, sport gimnastikasi bo‘yicha Olimpiada ishtirokchisi Rasuljon Abdurahimov Toshkent vaqti bilan 15:30 dan boshlab, musobaqalarga kirishadi.

Maqola muallifi