Tinchimas Tramp: respublikachi avgustgacha prezidentlik lavozimiga qaytmoqchi
Olam
−
02 iyun 2021 6738
AQSHning sobiq Prezidenti Donald Tramp shu yilning avgustigacha davlat rahbari lavozimiga qayta tiklanishiga ishonmoqda. Bu haqda “The New York Times” nashri jurnalisti Maggi Haberman o‘zining Twitter’dagi sahifasida ma’lum qilgan.
“Tramp u bilan bog‘langan bir qator odamlarga avgustgacha prezidentlikka qaytishini kutayotganini aytgan”, deb yozgan jurnalist.
Shu bilan birga, Haberman Amerika sobiq rahbarining bu kabi bayonotlariga shubha bilan qaragan va AQSH siyosiy tizimi “bunday ishlamayotganini” ta’kidlagan.
Avvalroq, Tramp hozirgacha umumiy miqdorda 65 ming dollar pensiya olgani haqida xabar bergandik.
Ma’lumot o‘rnida, Donald Tramp 2017 yil 20 yanvardan 2021 yil 20 yanvargacha AQSH Prezidenti bo‘lgan.
