“The International Business Times” yilning eng yaxshi sportchilarini ma’lum qildi
Sport
−
16 dekabr 2020 4832
AQSHning "The International Business Times" jurnali 2020 yilning 10 ta eng yaxshi sportchilari reytingini e’lon qildi.
Nashrga ko‘ra, birinchi o‘rin "Los-Anjeles Leykers" basketbolchisi Lebron Jeymsga nasib etgan. Yengil vaznda UFC chempioni Habib Nurmuhamedov ro‘yxatning ikkinchi o‘rnidan joy egallagan. Britaniyalik bokschi Tayson Fyuri kuchli uchlikka yakun yasagan. Fyuri WBC bo‘yicha jahon chempioni kamari egasi hisoblanadi.
Kuchli o‘nlikka ikkita tennischi ham kiritilgan: Rafael Nadal (to‘rtinchi o‘rin) va Naomi Osaka (to‘qqizinchi o‘rin).
Shuningdek, beshinchi o‘rin basketbolchi Entoni Devis, oltinchi o‘rin poygachi Lyuis Xemilton, yettinchi o‘rin futbolchi Garri Keyn, sakkizinchi o‘rin amerikalik futbolchi Patrik Maxoumsga nasib etgan. Bokschi Teofimo Lopes kuchli o‘nlikni yakunlagan.
Live
Barchasi
