Tataristondagi qurilishda o‘zbekistonlik talaba fojiaviy halok bo‘ldi
Olam
−
22 may 2021 14359
Tataristonning Naberejniye Chelni shahrida 21 yoshli o‘zbekistonlik talaba qurilayotgan uyning beshinchi qavatidan yiqilib vafot etdi. Bu haqda Tatariston prokuraturasi matbuot xizmati xabar bergan.
Fojia 20 may kuni 33-mikrorayonda qurilayotgan uyning qoliplari demontaj qilinayotganda sodir bo‘lgan.
Yigit o‘limidan bir kun oldin qurilish maydoniga ishga joylashgan. U ikki kun ichida amaliyot o‘tashi kerak bo‘lgan.
Ta’kidlanishicha, hodisaning sabablari va holatlari tekshirilmoqda. Jinoyat ishi qo‘zg‘atish masalasi hal qilinmoqda.
Ma’lumot o‘rnida, yigit mart oyida 21 yoshga to‘lgan. U universitet yotoqxonasida yashab kelgan.
Live
Barchasi
