Talaba va o‘quvchilar uchun avia hamda poyezd chiptalariga chegirma berildi
Jamiyat
−
02 fevral 2022
5151Oliy ta’lim muassasalari, akademik litsey va professional ta’lim muassasalari talabalari hamda o‘quvchilari uchun avia hamda poyezd chiptalari tarif qismidan 50 foiz miqdorida chegirma berilishi imtiyozi saqlab qolinadi. Bu haqda Sog‘liqni saqlash vazirligi xabar qildi.
Bunda, Transport vazirligi, Oliy va o‘rta maxsus ta’lim vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari ta’lim muassasalari talabalari hamda akademik litsey va professional ta’lim muassasalari o‘quvchilari tomonidan avia hamda poyezd chiptalari xarid qilinishini tartibli ravishda talabalar va ularning ota-onalari uchun tashkil etadi.
“Yuqoridagi vazirlik va idoralarda doimiy ishlaydigan Shtablar faoliyati yo‘lga qo‘yiladi. Umuman, hech bir o‘quvchi va talaba chiptasiz qolmaydi”, deyiladi vazirlik xabarida.
Avvalroq, bir oylik onlayn ta’limga o‘tkazilgan maktab va oliy ta’lim muassasalari muddatidan avval an’anaviy ta’limga qaytishi haqida xabar bergan edik.
LiveBarchasi