Suv yoqalab poyezdda: Germaniyada toshqin yuz berdi (foto)

Kecha, 4 fevral kuni tinimsiz yoqqan yomg‘ir va qorning erishi oqibatida Germaniyaning eng katta daryosi Reyn o‘zanidan chiqib ketdi. Bu haqda “Associated Press” nashri yozmoqda.

Ma’lum qilinishicha, suv toshqini tijorat transportiga tahdid solmoqda. Mintaqada yuk tashish bo‘yicha birinchi cheklovlar, Kyolndagi banklarning bir qismini suv bosganidan keyin kuchga kirgan.

Xabarga ko‘ra, daryolar sathining yanvar oyi oxiri – fevral oyi boshlarida sezilarli darajada ko‘tarilishining sababi uzoq davom etgan yomg‘ir yog‘ishi va qorlarning erishi bilan bog‘liq. 

Bir necha kundan beri Germaniya favqulodda xizmatlari shaharlar ko‘chalarida vaqtinchalik to‘g‘onlarni o‘rnatmoqda. Bashoratlarga ko‘ra, vaziyat yaqin kunlarda yana yomonlashadi.

Shuningdek, ushbu suv toshqini oqibatida Germaniya g‘arbidagi aholi yashash punktlari mamlakatdan ajralib qolgan. Yong‘indan qo‘riqlash xizmatining qayiqlari qirg‘oqning narigi tomonidan qolib ketgan aholini kuniga bir necha martalab tashimoqda.