Surxondaryoda Nexia va ZIL ishtirokida halokatli YTH sodir bo‘ldi

Surxondaryo viloyati, Oltinsoy tumanida 2020 yil 15 fevral kuni sodir bo‘lagn Nexia va ZIL rusumli avtomobillar to‘qnashuvi halokatli yakun topdi.

Shu kuni taxmanan soat 16:00 da, tumanning “Qiziltepa” mahallasi hududidan o‘tuvchi mahalliy yo‘lda, Sho‘rchi tumani “Egarchi” mahallasida yashovchi Sh.A. o‘zining Nexia’sini boshqaruvini yo‘qotib qo‘yadi. Oqibatda, qarama-qarshi tomonidan kelayotgan, Sho‘rchi tumani “Oynako‘l” mahallasida yashovchi A.A. boshqaruvidagi ZIL rusumli avtoulovining yo‘liga chiqib ketadi va to‘qnashuv sodir bo‘ladi.

Ma’lumotlarga ko‘ra, Nexia yo‘lovchisi, Qumqo‘rg‘on tumanida yashovchi M.X. Sud-tibbiy ekspertizasining 2020 yil 29 fevral kunidagi xulosasiga ko‘ra, “hayot uchun xavfli bo‘lgan og‘ir” tan jarohati olib, 29 fevral kuni soat 09:30 da kasalxonada vafot etgan. 

“29 fevral kuni Sh.A.ga nisbatan O‘zbekiston Respublikasi Jinoyat kodeksining 266-moddasi 2-qismi bilan jinoyat ishi qo‘zg‘atilgan”, deyiladi xabarda.