Suriyada benzovoz portlashi oqibatida 40 kishi halok bo‘ldi

Kecha, 28 aprel kuni Suriya shimolidagi Afrin shahrida yuz bergan portlash natijasida kamida 40 kishi, jumladan 11 nafar bola halok bo‘ldi. Bu haqda “Reuters” Turkiya Mudofaa vazirligiga tayanib, xabar tarqatdi.

Turkiya mudofaa tashkiloti bu hujumda kurdlarning YPG qurolli tuzilmasini aybdor deb e’lon qilgan.

Eli kanlı terör örgütü PKK/YPG’nin, Afrin’de masum sivillere yönelik düzenlediği bombalı araç saldırısında hayatını kaybedenlerin sayısı 11’i çocuk olmak üzere 40’a, yaralıların sayısı ise 47’ye yükseldi. pic.twitter.com/AIVwHQ2IzT

— T.C. Millî Savunma Bakanlığı (@tcsavunma) April 28, 2020

Portlash Afrin markazidagi odam gavjum tumanda yuz bergan. Vazirlik e’lon qilgan videoda havodagi qora tutun hamda tez tibbiy yordam va politsiya mashinalari ovozini eshitish mumkin.

Yonilg‘i tashuvchi avtomobil ishtirokida uyushtirilgan portlashda kamida 47 kishi jabrlangan. Portlash yuz bergan ko‘chadagi ko‘plab binolar zarar ko‘rgan.

Ma’lumot uchun, Turkiya Suriyaning Afrin shahri ustidan 2018 yildagi “Zaytun shoxi” amaliyoti davomida nazorat o‘rnatgandi.