Sobiq Bosh vazirga nisbatan jinoiy ish qo‘zg‘atildi

Olam

image

Armaniston Tergov qo‘mitasi hokimiyatni egallab olishga, konstitutsiyaviy tuzumni ag‘darishga va zo‘ravonlikdan foydalanishga chaqiriqlarda ayblanayotgan “Vatanni qutqarish uchun” muxolifat harakati rahbari, sobiq Bosh vazir Vazgen Manukyanga qarshi jinoiy ish bo‘yicha dastlabki tergovni yakunladi.  . 

"Armenpress" bu haqda Armaniston Tergov qo‘mitasining bayonotiga asoslanib xabar bermoqda. 

Manukyanga Armaniston Respublikasi Jinoyat kodeksining 301-moddasi (hokimiyatni egallab olishga, hududiy yaxlitlikni buzishga yoki konstitutsiyaviy tuzumni zo‘rlik bilan ag‘darishga da’vat qilish) bo‘yicha jinoiy ish qo‘zg‘atildi va yozma ravishda mamlakatni tark etmaslik bo‘yicha tilxat olish profilaktika chorasi sifatida tanlandi.

2021 yil 9 martda Manukyanga qo‘yilgan ayblovga yana biri qo‘shiladi. 26 fevral kuni bo‘lib o‘tgan mitingda siyosatchi hokimiyatni egallab olishga va konstitutsiyaviy tuzumni ag‘darishga chaqirdi. 

“Dastlabki tergov yakunlandi va ayblov xulosasi bilan jinoyat ishi sudga yuborilishi to‘g‘risida ariza bilan Armaniston Respublikasi Bosh prokuraturasiga yuborildi”,  deyiladi Tergov qo‘mitasida.

Eslatib o‘tamiz, 25 fevral kuni Bosh shtab Hukumat va Bosh vazir Nikol Pashinyanning iste’fosini talab qilgandi. Bu Bosh shtab boshlig‘ining birinchi o‘rinbosari Tiran Xachatryanning ishdan bo‘shatilishiga harbiylarning javobi edi. Ayni vaqtda mamlakat Pashinyanga nisbatan norozilik kayfiyati avj olmoqda.


Maqola muallifi

Teglar

Armaniston Vazgen Manukyan

Baholaganlar

77

Reyting

3

Maqolaga baho bering

Doʻstlaringiz bilan ulashing