Sirdaryoda 5 ta mashina bir-biriga to‘qnashdi

Sirdaryo viloyati Oqoltin tumanida 5 ta avtomobil ishtirokida yo‘l-transport hodisasi yuz berdi. Bu haqda viloyat Ichki ishlar Matbuot xizmati xabar berdi.

Ma’lumotlarga ko‘ra, ushbu voqea joriy yilning 18 aprel kuni soat taxminan 14:20 larda Sirdaryo viloyati Oqoltin tumani hududidan o‘tuvchi A-373 xalqaro ahamiyatidagi avtomobil yo‘lida sodir bo‘lgan. Toshkent-Termiz yo‘nalishi 4-kilometrida 3 ta Lacetti hamda Cobalt tartibga soluvchi svetoforning qizil chirog‘ida ketma-ket to‘xtab turgan vaqtida sodir bo‘lgan. Ushbu yo‘nalishda harakatlanib kelayotgan Lacetti haydovchisi fuqaro R.M. boshqaruvni yo‘qotib, yuqorida ko‘rsatib o‘tilgan avtomashinalarning orqa tomonidan kelib, to‘qnashuv sodir qilgan. 

Yo‘l-transport hodisasi oqibatida hech kim tan jarohati olmagan. Hozirda holat bo‘yicha surishtiruv ishlari olib borilib, to‘plangan hujjatlar qonuniy qaror qabul qilish uchun Ma’muriy javobgarlik to‘g‘risidagi kodeksning 133-moddasi bilan Jinoyat ishlari bo‘yicha Oqoltin tuman sudiga yuborilgan.