Si Szinpin bilan qo‘ng‘iroqlashgan Bayden tez orada Putinga sim qoqadimi?
Olam
−
29 iyul 2022 7896
Ayni paytda Rossiya Prezidenti Vladimir Putin va Amerika Qo‘shma Shtatlari yetakchisi Jo Bayden o‘rtasida telefon suhbatini tashkil etish rejalashtirilmagan. Bu haqda Kreml matbuot kotibi Dmitriy Peskov jurnalistlarga ma’lum qildi.
“Hozircha Putin va Baydenning [muloqot haqida] rejalari yo‘q”, deydi Kreml rasmiysi Rossiya Tashqi ishlar vaziri Sergey Lavrov hamda AQSH Davlat kotibi Entoni Blinken o‘rtasidagi rejalashtirilgan muloqotdan keyin Prezidentlarning uchrashuvi yoki telefon orqali muloqotini tashkil etish rejalashtirilganmi, degan savolga javob berar ekan.
Peskov Kremlning Lavrov va Blinken o‘rtasidagi ehtimoliy suhbati haqida hech narsa demagan, bu savolga javobni Rossiya Tashqi ishlar vazirligi berishini aytdi.
Hozir Toshkentda bo‘lib turgan Sergey Lavrov uning Blinken bilan telefon suhbati sanasi rejalashtirilayotgani, biroq bugungi kunda bunday aloqani tashkil qilish dargumonligini aytdi. Vazirning tushuntirishicha, u aloqa vaqtida o‘z kabinetida bo‘lishi kerak.
Eslatib o‘tamiz, kecha, 28 iyul kuni Xitoy rahbari Si Szinpin va AQSH Prezidenti Jo Bayden telefon orqali muloqot qildi. Ikki davlat yetakchisining suhbati 2 soat-u 17 daqiqa davom etdi. Ular Ukraina inqirozi va Tayvan masalasini muhokama qildi. Shuningdek, yuzma-yuz uchrashishga kelishib oldi.
Live
Barchasi