Shomurodov yanvarda “Roma”ni tark etadi – insayder
Sport
−
17 noyabr 2022 12865
Italiyaning "Roma" klubida to‘p tepayotgan o‘zbekistonlik hujumchi Eldor Shomurodov qishki transfer oynasida "bo‘rilar" safini tark etadi. Bu haqda insayder Nikolas Skira xabar berdi.
Ma’lum bo‘lishicha, futbolchi Rim klubi bosh murabbiyi Joze Mourinoning yangi yildagi rejalariga kiritilmagan. O‘zbekiston milliy terma jamoasi sardoriga A Seriyaning "Torino", "Sampdoriya" va "Monsa" klublari qiziqish bildirmoqda.
Avvalroq, "Transfermarkt" Shomurodovning qiymati 8 million yevrodan 7 million yevroga pastlaganini ma’lum qilgan edi,
Eslatib o‘tamiz, Shomurodov 2021 yilda 18 million yevro evaziga "Jenoa"dan "Roma"ga o‘tgandi.
Joriy mavsumda hujumchi rimliklar safida umumiy 8 ta o‘yinda maydonga tushib, 1 ta gol urdi.
