Shimoliy Koreya dekabrda chet ellik sayyohlar uchun chegarani ochadi

Shimoliy Koreya mamlakat shimoli-sharqidagi Samjiyon shahriga, shuningdek, mamlakatning qolgan qismiga xalqaro turizmni qayta tiklashi mumkin. Bu haqda mahalliy sayyohlik kompaniyalariga tayanib, “Reuters” xabar berdi.

Ushbu harakat uzoq yillar davomida qat’iy amalda bo‘lgan COVID chegara nazoratidan so‘ng chet ellik sayyohlar uchun KXDR chegaralarni  qayta ochishga tayyor ekanligidan dalolat beradi.

“Biz mahalliy hamkorimizdan 2024 yil dekabr oyidan Samjiyon va mamlakatning qolgan qismiga sayyohlik rasman qayta tiklanishi haqidagi tasdiqni oldik”,  deyiladi Pekinda joylashgan Koryo Tours veb-saytida.

O‘tgan yili Shimoliy Koreya va undan tashqarida xalqaro reyslar tiklandi. Rossiyalik sayyohlarning kichik guruhi fevral oyida mamlakatga shaxsiy tur tarkibida uchib bordi. Iyun oyida Rossiya Prezidenti Vladimir Putin Oliy darajadagi xorijiy rasmiy sifatida mamlakatga tashrif buyurdi.

“Ushbu xabarni e’lon qilish uchun to‘rt yildan ko‘proq vaqt kutgan Koryo Tours yana bir bor Shimoliy Koreya turizmining ochilishidan juda xursand”, deydi firma rasmiylari.

Shimoliy Koreya Xitoy chegarasi yaqinidagi Samjiyon shahrida “sotsialistik utopiya” deb atagan shaharni va yangi kvartiralar, mehmonxonalar, tog‘-chang‘i kurorti, savdo, madaniy va tibbiy muassasalar bilan “yuqori madaniyatli tog‘ shahri namunasini” qurmoqda.

Rahbar Kim Chen In iyul oyida o‘zining “Samjiyon” loyihasiga “mas’uliyatsiz” munosabatda bo‘lgani uchun ba’zi yuqori lavozimli amaldorlarni ishdan bo‘shatgan yoki lavozimini pasaytirgan edi.

Yana bir sayyohlik agentligi KTG Tours ham joriy qishdan sayyohlar Samjiyonga borishlari mumkinligini ma’lum qilgan.