Shifokorlar 18 yoshli qizning oshqozonidan 4 kg soch o‘ramini chiqarib oldi
Salomatlik
−
02 Oktabr 2023 57303
Qirg‘iziston Milliy gospitalida jarrohlar kam uchraydigan patologiya bo‘yicha operatsiya o‘tkazdi. Ular 18 yoshli qizning oshqozonidan 4 kg soch o‘ramini chiqarib oldi. Bu haqda “AKIpress” xabar berdi.
Ma’lum qilinishicha, 18 yoshli qiz ko‘ngil aynishi, ovqatdan keyin qusish, hazm qilishdagi muammolar, vazn yo‘qotish va og‘ir umumiy zaiflik bilan shifoxonaga yotqizilgan.
Shifokorlar qizda umumiy tekshiruv o‘tkazgan va uning butun oshqozon bo‘shlig‘ini 35 sm o‘lchamdagi va taxminan 4 kg og‘irlikdagi katta soch o‘rami egallab olganini aniqlagan.
Ularning bildirishicha, yutilgan moddalar, nooziq-ovqat zarralari va shilimshiqlar soch tolalari bilan birikib, bezoar (oshqozon, ichak traktida hosil bo‘lgan begona to‘qimalar) to‘qimalarni hosil qilgan. Keyinchalik u o‘simtaga o‘xshash hajmli shakllanishga aylanib, trixobezoarni keltirib chiqargan.
Jarrohlar Abdulla Matmuratov va Tamerlan Jumabekov operatsiya o‘tkazib, oshqozondagi katta o‘ramni olib tashlagan.
Live
Barchasi
