Shavkat Mirziyoyevni rasmiy kutib olish marosimi bo‘lib o‘tdi (video)

Bugun, 22 avgust kuni Ozarbayjonga davlat tashrifi bilan borgan O‘zbekiston Respublikasi Prezidenti Shavkat Mirziyoyevni rasmiy kutib olish marosimi bo‘lib o‘tdi.

Har ikki davlatning davlat bayroqlari hilpirab turgan maydonda O‘zbekiston Prezidenti sharafiga faxriy qorovul saf tortgan. Ozarbayjon Prezidenti Ilhom Aliyev va Birinchi xonim Mehribon Aliyeva O‘zbekiston Prezidenti Shavkat Mirziyoyev va uning rafiqasi Ziroatxon Mirziyoyevani qabul qilgan.

Faxriy qorovul boshlig‘i O‘zbekiston Prezidentini hisobot bergan. Prezident Shavkat Mirziyoyev Ozarbayjon askarlarini qutlagan.

Davlat rahbarlari faxriy qorovul safini aylanib o‘tgan.

O‘zbekiston Respublikasi va Ozarbayjon Respublikasi davlat madhiyalari yangragan.

Harbiy marsh sadolari ostida O‘zbekiston Prezidenti Shavkat Mirziyoyev va Ozarbayjon Prezidenti Ilhom Aliyev oldidan faxriy qorovul saf tortgan. Davlat rahbarlari va ularning rafiqalari rasmiy suratga tushgan.

Eslatib o‘tamiz, oldinroq Shavkat Mirziyoyev Ozarbayjon xalqining umummilliy yetakchisi Haydar Aliyev mangu qo‘nim topgan Faxr xiyoboniga va Shahidlar xiyoboniga tashrif buyurgandi.