Seuldan Toshkentga kelgan reys yo‘lovchilari vaqtincha karantinga olindi

north_east

Koronavirus “o‘chog‘i”dan kelgan o‘zbekistonliklar uchun karantin tugadi

Bugun, 27 fevral kuni Uzbekistan Airways`ning HY-514 reysi bilan Janubiy Koreya poytaxti Seul shahridan kelgan yo‘lovchilar sanitariya izolyatsiyasiga joylashtirildi. Bu haqda kompaniya Matbuot xizmati ma’lum qildi.

Shu sababdan Uzbekistan Airways ushbu reysda kelayotganlarni kutib olish uchun chiquvchilarni ogohlantirdi.

“Yo‘lovchilar va yo‘lovchilarni kutib oluvchilar diqqatiga! Koronovirusning O‘zbekistonda tarqalishining oldini olish maqsadida bugun Seuldan kelgan yo‘lovchilari Toshkent aeroportining xalqaro terminalining alohida zalida vaqtincha sanitariya izolyatsiyasiga joylashtirildi”, deyiladi kompaniya xabarida.

O‘zbekiston Respublikasi Sog‘liqni saqlash vazirligi tomonidan bir qator zarur profilaktik tadbirlar o‘tkazilgandan so‘ng va SARS belgilari yo‘qligi tasdiqlangandan so‘ng, yo‘lovchilar karantin xonasidan chiqib ketishlariga ruxsat beriladi.

Ma’lumot uchun, HY-514 reysi bilan Seuldan Toshkentga qarab uchgan samolyot 2 soat o‘tib, majburan ortga qaytgandi. Ammo samolyot nega ortga qaytgani hozircha noma’lum.