Serial tugadi. Rasman Mbappe “Real” futbolchisiga aylandi
Sport
−
03 iyun 5307
Madridning “Real” klubi o‘zining rasmiy saytida fransiyalik hujumchi Kilian Mbappe bilan shartnoma imzolaganini e’lon qildi.
25 yoshli fransiyalik futbolchining ispan klubi bilan shartnomasi 2029 yilgacha mo‘ljallangan. Mbappe "Real"ga erkin agent sifatida o‘tadi.
Rasmiy bayonotdan so‘ng, Madrid klubi sayti va xususan, yangilikning o‘zi foydalanuvchilar oqimi bilan bog‘liq nosozliklar tufayli bir muddat ko‘rish uchun mavjud bo‘lmay qoldi.
Mbappe 2017 yildan buyon PSJda o‘ynagan. Parijliklar safida forvard olti karra Fransiya chempioni bo‘ldi va to‘rt marta mamlakat kubogini qo‘lga kiritdi. Fransiya terma jamoasi bilan birgalikda 2018 yilda jahon chempioni, 2022 yilda esa vitse-chempion bo‘ldi.
O‘tgan mavsumda Mbappe "PSJ" safida 48 ta o‘yin o‘tkazib, 44 ta gol urgan. “Transfermarkt” futbolchini 180 million yevroga baholamoqda.
