Сериал тугади. Расман Мбаппе “Реал” футболчисига айланди
Спорт
−
03 Июнь 5309
Мадриднинг “Реал” клуби ўзининг расмий сайтида франциялик ҳужумчи Килиан Мбаппе билан шартнома имзолаганини эълон қилди.
25 ёшли франциялик футболчининг испан клуби билан шартномаси 2029 йилгача мўлжалланган. Мбаппе "Реал"га эркин агент сифатида ўтади.
Расмий баёнотдан сўнг, Мадрид клуби сайти ва хусусан, янгиликнинг ўзи фойдаланувчилар оқими билан боғлиқ носозликлар туфайли бир муддат кўриш учун мавжуд бўлмай қолди.
Мбаппе 2017 йилдан буён ПСЖда ўйнаган. Парижликлар сафида форвард олти карра Франция чемпиони бўлди ва тўрт марта мамлакат кубогини қўлга киритди. Франция терма жамоаси билан биргаликда 2018 йилда жаҳон чемпиони, 2022 йилда эса вице-чемпион бўлди.
Ўтган мавсумда Мбаппе "ПСЖ" сафида 48 та ўйин ўтказиб, 44 та гол урган. “Transfermarkt” футболчини 180 миллион еврога баҳоламоқда.
