Мбаппенинг голини нишонлаган ота ва ўғил “Камп Ноу”дан чиқариб юборилди

“Реал Мадрид” мухлиси ва унинг ўғли Килиан Мбаппенинг голини нишонлагани учун “Эль-Класико” учрашуви вақтида “Камп Ноу” стадионидан чиқариб юборилди. Баҳс ҳақида “A Bola” нашри хабар берди.

Маълум қилинишича, сафар 18 ёшли йигит учун туғилган кун совғаси бўлган. Ота ва ўғил икки чипта учун 2800 евро тўлаган.
Учрашув бошланишидан олдин стадион киришидаги назоратчилар улардан “Реал Мадрид” футболкаларини ечишни талаб қилган. Сабаби уларнинг чипталари мезбон жамоа трибуналаридан бўлган.

Мбаппе гол урганидан кейин ота ва ўғил ўринларидан туриб, бир-бирини қучоқлаб қувончини ифода этган. Шундан сўнг хавфсизлик ходимлари уларни стадиондан чиқариб юборган. Мухлиснинг айтишича, улар мезбон жамоа ишқибозларига нисбатан ҳеч қандай ҳақоратли ёки провокацион ҳаракат қилмаган.

Ота ва ўғил таксида уйга қайтаётганида учрашувнинг қолган қисмини телефон орқали томоша қилишга мажбур бўлган.

Эслатиб ўтамиз, жорий йилнинг 25 октябрь куни бўлиб ўтган “Эль-Класико” учрашувида “Реал Мадрид” Килиан Мбаппенинг дубли эвазига 2:1 ҳисобида ғалаба қозонган эди.