Мбаппе Италияга қарши ўйинни ўтказиб юборади

Франция терма жамоаси бош мураббийи Зинедин Зидан ҳужумчи Килиан Мбаппе ноқулайлик ҳис қилаётгани сабабли Италияга қарши Миллатлар лигаси учрашувида иштирок эта олмаслигини маълум қилди. Бу ҳақда Зидан ўйин олдидан ўтказилган матбуот анжуманида маълум қилди. https://www.lefigaro.fr/sports/football/ligue-des-nations/italie-france-on-ne-va-pas-prendre-de-risque-zinedine-zidane-confirme-le-forfait-de-kylian-mbappe-20261111

А лигаси биринчи гуруҳидан ўрин олган учрашув бугун, 12 ноябрь куни Миланда бўлиб ўтади. Баҳс Тошкент вақти билан соат 00:45 да бошланади.

“Килиан эртага ўйнай олмайди. У бироз оғриқ ҳис қилди. Одатдагидек, ҳеч қандай таваккал қилмаймиз. Бу ҳолат афсусланарли, аммо бу футболнинг бир қисми. Умид қиламанки, Килиан кейинги учрашувда майдонга туша олади”, дейди Зидан.

Жорий йилнинг 15 ноябрь куни французлар Миллатлар лигаси гуруҳ босқичини Туркияга қарши учрашув билан якунлашади.

“Менимча, Мбаппе яхши ўйнаяпти. Бунинг исботи – уни жамоа билан олиб қолишимиз. Унинг ўзи ҳам бу ҳолатдан хурсанд эмас, чунки эртага майдонга тушишни хоҳлаган эди. Мавсум узоқ давом этишини ҳисобга олиб, ҳеч қандай таваккал қилмаслигимиз керак”, дея қўшимча қилди мураббий.

Маълумот учун, 27 ёшли Мбаппе Франция терма жамоаси сафида 107 та учрашувда майдонга тушиб, 67 та гол урган. У миллий жамоа билан 2018 йилги Жаҳон чемпионати ва 2021 йилги Миллатлар лигасида ғолиб чиққан.