“Sariq nimchalilar” namoyishida 275 kishi hibslandi (fotoreportaj)

Avval xabar berganimizdek, joriy yilning 12 sentyabr kuni Fransiyaning Parij shahrida yana “sariq nimchalilar” namoyishi boshlandi. Namoyishlarda qatnashgan 275 kishi hibsga olingan.

Parij transport boshqarmasi RATP 12 sentyabr kuni ertalabdan shaharda 50 ga yaqin metro stansiyasi va shahar chetiga qatnovchi poyezd ishlamasligini ma’lum qilgan.

Huquq-tartibot idoralari namoyishchilarga qarshi ko‘zdan yosh oqizuvchi gaz ishlatgan.  

Mitingda antifashistik harakat bayrog‘i bilan qora tanli odamlar ko‘rinish bergan. Fransiya rasmiylari ushbu ramziylikni "sariq nimchalilar"ning oldingi mitinglarida zo‘ravonlikda ayblagan radikallar bilan bog‘lashadi.  

Ichki ishlar vazirligining ma’lumotlariga ko‘ra, mamlakat bo‘ylab namoyishlarda 8,5 mingga yaqin kishi, shu jumladan Parijda 2500 kishi qatnashgan. 

Fransiya hukumati namoyishlar paytida maxsus vositalardan, shu jumladan rezina o‘qlardan foydalanish qoidalarini biroz kuchaytirdi. Bundan buyon politsiya xodimlari yuqori martabali xodimlarning ruxsati bilan namoyishchilarga qarata o‘q uzishlari mumkin.  

Ma’lumot uchun, Fransiyada “sariq nimcha” nomi bilan ataluvchi namoyishlar 2018 yilning noyabr oyida yonilg‘i solig‘i oshirilishi ortidan yuzaga kelgan jamoatchilik noroziligi vaqtida paydo bo‘lgan.

Natijada bu soliqlar bekor qilingan, ammo harakat saqlab qolindi va Hukumatga qarshi yirik harakatga aylanib ketdi.

“Sariq nimchalilar”ning so‘nggi yirik namoyishi 2020 yil 14 mart kuni, mahalliy saylovlar arafasida o‘tkazilgandi. Bu mamlakatda koronavirus sabab qattiq karantin rejimi o‘rnatilishidan 3 kun avval bo‘lgan.