Sardoba hodisasi bo‘yicha jinoiy ish qo‘zg‘atildi
Jamiyat
−
03 may 2020 19049
Sardoba suv ombori dambasi o‘pirilishi oqibatida suv toshqini yuzaga kelishi yuzasidan jinoiy ish qo‘zg‘atildi. Bu haqda bugun, 3 may kuni O‘zbekiston Respublikasi Bosh Prokuraturasi xabar qildi
“Joriy yil 01 may kuni Sirdaryo viloyatidagi “Sardoba” suv ombori o‘pirilishi oqibatida suv toshqini yuzaga kelganligi holati yuzasidan JKning 207-moddasi 1-qismi va 258-moddasi 2-qismi “b” bandi bilan jinoyat ishi qo‘zg‘atildi“, deyiladi xabarda.
Ma’lum qilinishicha, jinoyat ishi yuzasidan tergov harakatlarini olib borish DXX organlariga yuklatilgan.
Eslatib o‘tamiz, joriy yilning 1 may kuni Sardoba suv omboriда favqulodda holat yuzaga keldi. Hozirda ushbu fojia oqibatlarini bartaraf etish jarayoni ketmoqda.
Live
Barchasi
