Samarqandda yosh bola hojatxonaga tushib ketdi
Jamiyat
−
09:24 5556 1 daqiqa
Samarqand viloyatida Favqulodda vaziyatlar boshqarmasi qutqaruvchilari tomonidan hojatxonaga tushib ketgan bolakay qutqarildi. Bu haqda FVV matbuot xizmati xabar berdi.
Kecha, 17 mart kuni soat 16:53 da Samarqand viloyati FVBga “112” yagona dispetcherlik xizmati orqali Samarqand tumani “Ravonak” MFYda joylashgan xonadonlardan birida qarovsiz qolgan bolakay hojatxonaga tushib ketgani haqida xabar kelib tushgan.
Xabarga asosan, voqea joyiga zudlik bilan yetib borgan FVV qutqaruvchilari bolakayni hojatxonadan olib chiqib, uning hayotini saqlab qolgan. Hozirda bolaning ahvoli yaxshi.
Eslatib o‘tamiz, avvalroq Jizzax viloyatining Baxmal tumanida qutqaruvchilar hojatxonaga tushib ketgan bolaning hayotini saqlab qolgandi.
Live
Barchasi
