Samarqandda Epica yonib ketdi
3-sahifa
−
12 may 2023 4026
Samarqand viloyatida harakatlanib ketayotgan Epica rusumli avtomobilda yong‘in yuz berdi. Bu haqda viloyat Favqulodda vaziyatlar boshqarmasi xabar berdi.
Qayd etilishicha, voqea kecha, 11 may kuni soat 21:16 da Samarqand viloyati Samarqand shahri hududdidan o‘tuvchi Cho‘pon ota M-377 avtomobil yo‘lining 1081-kilometrida sodir bo‘lgan.
“Fuqaro X.A. boshqaruvidagi Epica mashinasida yuz bergan yong‘inni bartaraf etish uchun 1 ta yong‘in qutqaruv ekipaji soat 21:27 da yetib borib, yong‘in soat 21:37 da o‘chirildi”, deyiladi xabarda.
Hodisa oqibatida tan jarohati olgan va halok bo‘lganlar yo‘q. Hozirda tergovga qadar tekshirish ishlari olib borilayotgani aytilgan. Yong‘inga aynan nima sabab bo‘lgani hozircha aniq emas.
Nurmuhammad Fayzullayev
