Saloh APL futbolchilari orasida YeCHL rekordini o‘rnatdi
Sport
−
13 Oktabr 2022 4772 1 daqiqa
Kecha, 12 oktyabr kuni Angliyaning “Liverpul” klubi hujumchisi Muhammad Saloh Chempionlar ligasida “Reynjers”ga qarshi o‘yinda (7:1) 6 daqiqa ichida xet-trik qayd etdi. Shu tariqa, Salohning CHLda kiritgan gollari soni 38 taga yetdi. Angliya Premer ligasi klublarida harakat qilgan hech qaysi futbolchi Salohdan ko‘p gol urmagan. Bu haqda BBC nashri yozmoqda.
Nashrning qayd etishicha, misrlik futbolchidan oldingi eng yaxshi natija Dide Drogba (“Chelsi”) va Serxio Agueroga (“Manchester Siti”) tegishli bo‘lgan. Ularning ikkisi ham Chempionlar ligasida 36 tadan gol urgan.
Ma’lumot uchun, joriy mavsumda Muhammad Saloh “Liverpul”safida 13 ta uchrashuvda maydonga tushib, 8 ta gol urdi va 4 ta golli uzatma amalga oshirdi. “Transfermarkt” portali misrlik iqtidor egasini 90 million yevroga baholamoqda.
Live
Barchasi
