Rossiyada urush uchun majburiy mehnatni targ‘ib qilish boshlandi – Britaniya razvedkasi

Rossiya Federatsiyasi hukumati so‘nggi bir necha hafta ichida jamoat joylarida urush ehtiyojlari uchun jamiyatni majburiy mehnatga chaqirishlarini kuchaytirdi. Bu haqda Britaniya razvedkasi tahlilchilari ma’lum qildi.

"So‘nggi paytlarda Rossiya Federatsiyasida ommaviy nutq ohangi Ukrainaga qarshi urushni tanqid qiluvchilarni oddiygina jazolashdan fuqarolarni urush harakatlarini qo‘llab-quvvatlash uchun o‘zlarini faol qurbon qilishga chaqirishga o‘zgardi", deyiladi razvedka sharhida.

Tahlilchilarning qayd etishicha, Rossiya davlat ommaviy axborot vositalari va biznes guruhlari Iqtisodiyot vazirligidan urush davridagi iqtisodiy ehtiyojlarni hisobga olgan holda olti kunlik ish haftasini joriy qilish uchun ruxsat so‘ragan.

“Katta ehtimol bilan, buning uchun xodimlarga qo‘shimcha haq to‘lanmaydi”, deyiladi xabarda.

Britaniya razvedkasi ruslarning asosiy targ‘ibotchilaridan biri Margarita Simonyan ruslar o‘q-dori zavodlarida kuniga qo‘shimcha ikki soat ishlashi kerakligini aytganini misol qilib keltirgan.

"Bu bayonotlar sovet ijtimoiy zo‘ravonligi bilan yaqqol aks etadi. Bundan tashqari, Kreml iqtisodiy ko‘rsatkichlarni urushda g‘alaba qozonishda hal qiluvchi omil deb bilishini ham ta’kidlagan", deydi Britaniya razvedkasi.