Rossiyada to‘rt o‘zbekistonlik pichoqlandi

Joriy yilning 19 may kuni Rossiyaning Sankt-Peterburg shahrida yuz bergan ommaviy janjal oqibatida to‘rt nafar O‘zbekiston fuqarosi pichoqlandi.

Voqea shaharning Frunzen tumanida yuz bergan. O‘zbekiston Respublikasi Tashqi ishlar vaziriligi janjalda pichoqlangan o‘zbekistonliklar haqida ma’lumot berdi:

• 1987 yil 15 oktyabr kuni tug‘ilgan Pahlavon Baxtiyorovich Ziyoyev;
• 1986 yil 3 sentyabr kuni tug‘ilgan Shahriyor Baxtiyorovich Ziyoyev;
• 1987 yil 7 iyul kuni tug‘ilgan Anvar Ahrorovich Ziyoyev;
• 1995 yil 16 iyul kuni tug‘ilgan Abduaziz Ahrorovich Mahmudov.

Pahlavon va Shaxriyor Ziyoyevlar Sankt-Peterburg ilmiy-tadqiqot institutiga yotqizilgan. Mazkur holat yuzasidan Rossiya Jinoyat kodeksining 111-moddasi 3-qismi (qasddan salomatlikka og‘ir jarohat yetkazish) bilan jinoyat ishi ochilgan.

Qayd etilishicha, O‘zbekiston Respublikasining Bosh konsulxonasi Sankt-Peterburgning tegishli tuzilmalari bilan aloqa o‘rnatgan va vaziyatni nazorat qilib turibdi.