Rossiya Krivoy Rogga ballistik raketa bilan zarba berdi
Olam
−
10:456105
Rossiya qo‘shinlarining Krivoy Rogga bergan zarbasi oqibatida ko‘p qavatli turarjoy binosi shikastlandi. Bu haqda Dnepropetrovsk viloyati ma’muriyati rahbari Sergey Lisak ma’lum qildi.
Dastlabki ma’lumotlarga ko‘ra, 15 kishi jarohatlangan. Ulardan 3 nafarining ahvoli o‘rtacha og‘irlikda shifoxonaga yotqizilgan. Bir kishi halok bo‘lgan.
Ukraina Telegram-kanallari tomonidan tarqatilgan fotosuratlar va videolarga ko‘ra, ko‘p qavatli turarjoy binosi qisman vayron bo‘lgan.
Krivoy Rog mudofaa kengashi rahbari Aleksandr Vilkulning aytishicha, rossiyalik harbiylar shaharga ballistik raketalar bilan hujum qilib, 32 xonadonli 4 qavatli binoga zarba bergan. Ulardan qanchasi vayron qilingani noma’lum.
Eslatib o‘tamiz, 21 dekabr kuni Ukraina Qurolli kuchlari Rossiyaning Kursk viloyati Rilsk shahriga bergan yirik zarbasi oqibatida besh kishi halok bo‘lgan, 12 kishi yaralangandi.
Live
Barchasi
