Rossiya karantinga yopiladimi? Putin izoh berdi

Rossiyada koronavirusga chalinayotgan bemorlar soni soat sayin ortmoqda. Hukumat koronavirus bilan bog‘liq vaziyat tufayli yangi cheklovlar joriy etishni rejalashtirmayapti va blokirovka haqida gap ham yo‘q. Bu haqda Rossiya Prezidenti Vladimir Putin “Biznes Rossiya” umumrossiya jamoat tashkiloti a’zolari bilan uchrashuvda aytib o‘tgan. 

"Kecha kechqurun biz Bosh vazir bilan bu mavzuni muhokama qildik. Biz uzoq vaqt suhbatlashdik, shu jumladan ushbu mavzuda ham. Hukumat hech qanday qo‘shimcha cheklovlar kiritishni rejalashtirmayapti”, deydi davlat rahbari. 

Aksincha, u “omicron” shtammidan kelib chiqqan kovid jarayonining o‘ziga xos xususiyatlarini inobatga olgan holda, ayrim chora-tadbirlar bekor qilinishi mumkinligini ta’kidlagan. Putinga ko‘ra, Bosh vazir o‘rinbosari Tatyana Golikova ish beruvchilar va kasaba uyushmalari bilan shu masalani muhokama qilgan.

"Ish beruvchilar va kasaba uyushmalari ma’lum tashvishlarga ega, chunki ish beruvchilar ishchilarning mavjudligini ta’minlashni xohlashadi, kasaba uyushmalari esa odamlar to‘liq ish haqi ololmasligidan xavotirda. Umumiy xulosa shuki, hatto aloqada bo‘lgan shaxslarga nisbatan cheklovlar ham tez orada tugatilishi mumkin”, dedi Prezident. 

Putinga ko‘ra, bu odamlar tinch-totuv mehnat qilishi uchun muhim ahamiyatga ega. 

Rossiyada pandemiya boshidan buyon koronavirusga chalinganlar 12 million 284 564 nafarni tashkil etmoqda. So‘nggi sutkada 155 768 nafar yangi bemor aniqlangan. Kun davomida 667 nafar, butun davr mobaynida 333 357 kishi vafot etgan.  17 792 kishi shifoxonaga yotqizilgan, bu o‘tgan kunga nisbatan 3,4 foizga ko‘p.