Rossiya AQSHning “super-puper raketasi” haqidagi ma’lumotlarni o‘g‘irlagan – Tramp

Rossiya Amerikaning "super-puper raketasi" haqida ma’lumotlar olgan. Bu haqda AQSHning sobiq prezidenti Donald Tramp Nyu-Xempshirdagi o‘z tarafdorlari bilan uchrashuvida aytib o‘tdi.

"Bilasizmi, ularda raketa bor, super-puper-gipersonik, men buni super-puper deb atayman. Bu oddiy raketadan besh baravar tezroq. Bizda esa bundan ham yuqori tezlikka erisha oladigan raketalar bor”, degan Tramp.

Uning so‘zlariga ko‘ra, Rossiya bu raketa haqidagi ma’lumotni Barak Obama (AQSHning 44-Prezidenti – tahr..)ning ma’muriyatidan o‘g‘irlagan. 

Shuningdek, sobiq davlat rahbari AQSH Xitoy, Eron va Rossiya raketalari hujumlarini qaytarish uchun o‘zining “Temir gumbaz” raketaga qarshi mudofaa tizimiga muhtojligini ta’kidlagan.

Qayd etish kerakki, Tramp 2020 yilning sentyabrida ham xuddi shunday bayonot bilan chiqqan edi.

U Rossiya AQSHning sobiq prezidenti Barak Obama ma’muriyatidan texnologiya haqidagi ma’lumotlarni o‘g‘irlaganidan keyingina gipertovushli qurollarni yaratishga muvaffaq bo‘lganini iddao qilgan.