Ronaldu o‘z muxlisiga 1 million dollar yutqazdi (video)

Portugaliyalik futbol yulduzi Krishtianu Ronaldu dunyoning eng mashhur yutuber “MrBeast” bilan kontent olish chog‘ida, o‘z muxlisi bilan 1 million dollarlik chellenjda ishtirok etdi va imkoniyatni boy berdi.

Ronaldu va muxlis kim birinchi bo‘lib darvozadagi nishonlarga to‘pni uch marta aniq tepish borasida musobaqalashdi va yakunda Holid ismli muxlis g‘alaba qozonib, 1 million dollar sohibiga aylandi. 

Ma’lumot uchun, “MrBeast” YouTube'da eng ko‘p obunachiga ega bloger hisoblanadi. Uning kanalida 334 milliondan ortiq obunachi mavjud.  “MrBeast”ning Ronaldu bilan olgan oxirgi videosi 2 kun ichida 67 milliondan ortiq ko‘rishlarga ega bo‘ldi. O‘z navbatida Ronaldu ham “Ur Cristiano” kanali uchun “MrBeast” ishtirokidagi 2 ta video joyladi. Ularning oxirgi videosi 1 kun ichida 20 milliondan ortiq “prosmotr” yig‘di.

Eslatib o‘tamiz, noyabr oyi oxirida mashhur kosmetolog Ronalduni sudga bergani xabar qilingandi.