Роналду ўз мухлисига 1 миллион доллар ютқазди (видео)

Португалиялик футбол юлдузи Криштиану Роналду дунёнинг энг машҳур ютубер “MrBeast” билан контент олиш чоғида, ўз мухлиси билан 1 миллион долларлик челленжда иштирок этди ва имкониятни бой берди.

Роналду ва мухлис ким биринчи бўлиб дарвозадаги нишонларга тўпни уч марта аниқ тепиш борасида мусобақалашди ва якунда Ҳолид исмли мухлис ғалаба қозониб, 1 миллион доллар соҳибига айланди. 

Маълумот учун, “MrBeast” YouTube'да энг кўп обуначига эга блогер ҳисобланади. Унинг каналида 334 миллиондан ортиқ обуначи мавжуд.  “MrBeast”нинг Роналду билан олган охирги видеоси 2 кун ичида 67 миллиондан ортиқ кўришларга эга бўлди. Ўз навбатида Роналду ҳам “Ur Cristiano” канали учун “MrBeast” иштирокидаги 2 та видео жойлади. Уларнинг охирги видеоси 1 кун ичида 20 миллиондан ортиқ “просмотр” йиғди.

Эслатиб ўтамиз, ноябрь ойи охирида машҳур косметолог Роналдуни судга бергани хабар қилинганди.