Ronaldu “Al-Nasr”da ilk marta penaltini golga aylantirolmadi

Saudiya Arabistoni Qirol Kubogining 1/8 final bosqichi doirasida “Al-Nasr” va “Al-Tavun” jamoalari to‘qnash kelgan uchrashuv yakuniga yetdi. O‘yin 1:0 hisobida mehmonlar foydasiga hal bo‘ldi.

Uchrashuvdagi yagona gol 71-daqiqada “Al-Tavun” himoyachisi Flavio tomonidan kiritildi. “Al-Nasr” hujumchisi Krishtianu Ronaldu o‘yinning 90+6-daqiqasida belgilangan penaltini golga aylantira olmadi. Shu tariqa, Ronaldu “Al-Nasr”da o‘ynagan butun faoliyati davomida birinchi marta penaltidan foydalana olmadi. Ushbu o‘yindan oldin portugaliyalik Saudiya Arabistoni klubi tarkibida 19 ta zarbaning barchasini nuqtadan ishg‘ol qildi.

Joriy mavsumda Ronaldu barcha turnirlarda 11 ta o‘yinda qatnashib, 9 ta gol urdi va 3 ta golli uzatmani amalga oshirdi. Futbolchining klub bilan amaldagi shartnomasi 2025 yilning yoziga qadar mo‘ljallangan. “Transfermarkt” portalida berilgan ma’lumotlarga ko‘ra, futbolchining bozor qiymati 15 million yevroni tashkil qiladi.