“Real”ning 2024 yildagi asosiy transfer maqsadi ma’lum bo‘ldi

Fransiyalik hujumchi Kilian Mbappe “Real Madrid”ning 2024 yildagi asosiy transfer maqsadiga aylanadi. Bu haqda “Marca” xabar berdi.

Manbaga ko‘ra, “Real” PSJ Mbappeni 2023 yilda sotishga rozi bo‘lishiga ishonmayapti. Agar “Real Madrid” 2024 yilda Mbappeni o‘z safiga qo‘shib olishga e’tibor qaratsa, bu yozda klub qisqa muddatda jamoani kuchaytira oladigan hujumchi bilan shartnoma imzolaydi.

“Real” o‘tgan yozda fransiyalik futbolchini qo‘lga kiritishga urinib ko‘rdi, biroq hujumchi PSJda qoldi. Parijliklar uning yangi shartnomasi muddati 2025 yilga qadar imzolanganini e’lon qildi, biroq keyinchalik shartnoma 2024 yilning yoziga qadar amalda ekanligi va u bir mavsumga uzaytirish variantini o‘z ichiga olgani haqida ma’lumotlar paydo bo‘ldi.

24 yoshli hujumchi joriy mavsumda PSJ safida barcha turnirlar doirasida 40 ta o‘yinda maydonga tushib, 38 ta gol urdi va 8 ta golli uzatmani amalga oshirdi.