“Real Madrid” yana bir rekord o‘rnatdi
Sport
−
24 iyul 4561
“Real Madrid” bir mavsumda daromadi 1 milliard yevrodan oshgan birinchi futbol klubi bo‘ldi. Bu haqda klub matbuot xizmati xabar berdi.
Futbolchi transferlarini hisobga olmaganda, “Real Madrid”ning daromadi 1,073 milliard yevroni tashkil etdi. Bu moliyaviy yil davomida klubning sof foydasi taxminan 16 million yevroni tashkil qildi.
2023/24 yilgi mavsum yakunida “Real” Yevropa Chempionlar ligasi, Ispaniya chempionati va mamlakat Superkubogini qo‘lga kiritdi. Yozgi transfer oynasida “qaymoqranglilar” fransiyalik superyulduz Kilian Mbappeni o‘z safiga qo‘shib oldi.
Eslatib o‘tamiz, avvalroq “Real” stadionining VIP-o‘rindiqlar chiptasi rekord summada sotilishi xabar qilingandi.
