“Реал” стадионининг VIP-ўриндиқлар чиптаси рекорд суммада сотилади
Спорт
−
23 Июль
4943Килиан Мбаппе билан шартнома имзоланиши муносабати билан Мадриднинг “Реал” клуби катта миқдорда пул ишлаб олмоқчи, жумладан, жамоанинг уй учрашувлари учун чипталар нархи оширилиши кутилмоқда. Бу ҳақда Испания ОАВ хабар берди.
Клуб ўзининг уй стадиони “Сантьяго Бернабеу”да VIP ўриндиқлар нархи бўйича жаҳон рекордини ўрнатмоқчи. “Реал Мадрид” аренани 1,5 миллиард еврога таъмирлаш ишларидан сўнг 300 та ҳашаматли Супер VIP ўриндиқлар яратишни режа қилган. Бу жойдан футбол кўриш нархи 250 минг евро туради.
VIP жойларда ҳашамат ва эксклюзивликка урғу берилган. Бу жойлар қолган трибуналардан ажратилади ва майдоннинг энг яхши кўринишини тақдим этади.
Супер VIP ўриндиқдан футбол томоша қиладиганларга овқат, ичимлик ва бошқа маҳсулотлар тақдим этилиб, барча қўшимча қулайликлар яратилади.