“Real” stadionining VIP-o‘rindiqlar chiptasi rekord summada sotiladi
Sport
−
23 iyul
4944Kilian Mbappe bilan shartnoma imzolanishi munosabati bilan Madridning “Real” klubi katta miqdorda pul ishlab olmoqchi, jumladan, jamoaning uy uchrashuvlari uchun chiptalar narxi oshirilishi kutilmoqda. Bu haqda Ispaniya OAV xabar berdi.
Klub o‘zining uy stadioni “Santyago Bernabeu”da VIP o‘rindiqlar narxi bo‘yicha jahon rekordini o‘rnatmoqchi. “Real Madrid” arenani 1,5 milliard yevroga ta’mirlash ishlaridan so‘ng 300 ta hashamatli Super VIP o‘rindiqlar yaratishni reja qilgan. Bu joydan futbol ko‘rish narxi 250 ming yevro turadi.
VIP joylarda hashamat va eksklyuzivlikka urg‘u berilgan. Bu joylar qolgan tribunalardan ajratiladi va maydonning eng yaxshi ko‘rinishini taqdim etadi.
Super VIP o‘rindiqdan futbol tomosha qiladiganlarga ovqat, ichimlik va boshqa mahsulotlar taqdim etilib, barcha qo‘shimcha qulayliklar yaratiladi.