“Real Madrid” “Arsenal” futbolchisi uchun rekord darajadagi taklif bilan chiqmoqchi

Madridning “Real” klubi “Arsenal” himoyachisi Uilyam Salibani sotib olmoqchi. Bu haqda “Goal” nashri xabar berdi. 

Manbaga ko‘ra, “qirollik klubi” fransiyalik himoyachi uchun yozgi transferlar oynasida rekord darajadagi taklif tayyorlamoqda. Jamoa rahbariyati futbolchi uchun 83 million yevro to‘lashga tayyor.

Ma’lumot o‘rnida, agar ushbu narxga Saliba “Real”ga o‘tadigan bo‘lsa, u APL tarixida eng qimmat narxga transfer qilingan himoyachiga aylanadi. Ayni damga kelib, bu natija Xarri Maguayrga tegishli bo‘lib, angliyalik futbolchi 2019 yilda “Lester”dan “Manchester Yunayted”ga 80 million yevroga ko‘chib o‘tgan edi.

23 yoshli fransiyalik futbolchining “Arsenal” bilan amaldagi shartnomasi 2027 yilgacha mo‘ljallangan. Joriy mavsum u klub safida barcha musobaqalarda 26 ta o‘yinda maydonga tushib, 2 ta gol urishga muvaffaq bo‘ldi. Salibaning narxi “Transfermarkt” portalida 80 million yevroga baholangan.