“Real” afsonasi London klubini boshqarishi mumkin
Sport
−
13 may 2023 6168
“Bavariya”ning sobiq bosh murabbiyi Yulian Nagelsmann “Tottenxem”ni boshqarmaydi. Bu haqda “Sky Sports” xabar berdi.
Manbaga ko‘ra, ingliz klubi nemis mutaxassisi bilan hamkorlik qilish bo‘yicha hech qanday muzokara o‘tkazmagan. “Tottenxem” rahbariyati murabbiyni hurmat qiladi, ammo Nagelsmann “shporlar” murabbiyligi uchun yagona nomzod emas.
Qayd etilishicha, “shporlar” rahbariyati “Bayer” bosh murabbiyi Xabi Alonso nomzodini ham ko‘rib chiqmoqda.
Nagelsmann joriy yilning 24 mart kuni “Bavariya” bosh murabbiyligidan bo‘shatilgandi, oradan ikki kun o‘tib “Tottenxem” va jamoa bosh murabbiyi Antonio Konte o‘zaro kelishgan holda shartnomani bekor qildi. Rayan Meyson joriy mavsum oxirigacha “shporlar”ni boshqaradi, ammo klub allaqachon yangi bosh murabbiy izlashni boshlab yuborgan. Jamoa hozirda Premer-liga turnir jadvalida 6-o‘rinni egallab turibdi.
