“Real” a’zosi La Liganing eng yaxshi futbolchisi bo‘ldi

Ispaniya futbolchilar assotsiatsiyasi  “Real Madrid” yulduzi Jud Bellingemni rasman La Liganing 2023/24 yilgi mavsumdagi eng yaxshi futbolchisi, deb topdi.

O‘tgan mavsumda La Liganing 28 o‘yinida Bellingem 19 gol va 6 golli uzatmaga mualliflik qildi. U “Real Madrid”ning o‘tgan mavsumdagi eng yaxshi to‘purari va La Ligadagi 3-to‘purar bo‘ldi, biroq, joriy mavsum Bellingem uchun unchalik yaxshi o‘tayotgani yo‘q. Angliyalik yarim himoyachi La Liganing 8 ta o‘yinida atigi 1 ta gol urdi va 2 ta golli uzatmani amalga oshirdi.

Ma’lumot uchun, 21 yoshli Bellingem 2023 yilning yozidan buyon “qirollik klubi” safida to‘p tepmoqda. U “Real” safida Yevropa Chempionlar ligasi, La Liga va UEFA Superkubogida g‘olib bo‘ldi. Uning Madrid superklubi bilan shartnomasi 2029 yilga qadar mo‘ljallangan. “Transfermarkt”ga ko‘ra, futbolchining qiymati 180 million yevroni tashkil etadi.