“Rayhon” milliy taomlar kafesidagi yong‘in bo‘yicha rasmiy ma’lumot berildi
Jamiyat
−
04 may 2019 8177
Avvalroq, Toshkent shahar Olmazor tumanidagi “Rayhon” milliy taomlar kafesida yong‘in sodir bo‘lgani haqida xabar bergan edik.
O‘zbekiston Respublikasi Davlat yong‘in xavfsizligi xizmati mazkur yong‘in haqida ma’lumot berdi.
Unga ko‘ra, 3 may kuni Toshkent shahar Olmazor tumani “Quyosh” mahallasi Beruniy ko‘chasi 92-uyda joylashgan “Sumbula Rayxon” XKga qarashli umumiy ovqatlanish maskanining kabob pishirish joyidagi tutun tortish quvurining ichki qismi yongan.
“Xabar asosida voqea joyiga zudlik bilan 4 ta asosiy yong‘in o‘chirish ekipajlari jalb etilib, qisqa vaqt ichida yong‘in bartaraf etilgan. Yong‘in oqibatida tutun tortish quvurining 5 kv metr maydonda ichki qismi yongan”, deyiladi xabarda.
Hodisada tan jarohati olganlar va halok bo‘lganlar yo‘q. Hodisaning taxminiy sababi tutun tortish quvurining o‘z vaqtida tozalanmasligi ekani ta’kidlandi.
Live
Barchasi
