“Райҳон” миллий таомлар кафесидаги ёнғин бўйича расмий маълумот берилди
Жамият
−
04 Май 2019 8718 1 дақиқа
Аввалроқ, Тошкент шаҳар Олмазор туманидаги “Райҳон” миллий таомлар кафесида ёнғин содир бўлгани ҳақида хабар берган эдик.
Ўзбекистон Республикаси Давлат ёнғин хавфсизлиги хизмати мазкур ёнғин ҳақида маълумот берди.
Унга кўра, 3 май куни Тошкент шаҳар Олмазор тумани “Қуёш” маҳалласи Беруний кўчаси 92-уйда жойлашган “Сумбула Райхон” ХКга қарашли умумий овқатланиш масканининг кабоб пишириш жойидаги тутун тортиш қувурининг ички қисми ёнган.
“Хабар асосида воқеа жойига зудлик билан 4 та асосий ёнғин ўчириш экипажлари жалб этилиб, қисқа вақт ичида ёнғин бартараф этилган. Ёнғин оқибатида тутун тортиш қувурининг 5 кв метр майдонда ички қисми ёнган”, дейилади хабарда.
Ҳодисада тан жароҳати олганлар ва ҳалок бўлганлар йўқ. Ҳодисанинг тахминий сабаби тутун тортиш қувурининг ўз вақтида тозаланмаслиги экани таъкидланди.
Live
Барчаси
