Rasmiy Toshkent Afg‘oniston maktablariga qizlarni qaytarishga bosh qo‘shmoqchi
Olam
−
24 Iyul 2022 15890 2 daqiqa
O‘zbekiston Afg‘oniston yangi hukumati jahon hamjamiyatining asosiy talablarini bajarishini, xotin-qizlar huquqlariga rioya qilish va qizlarning to‘laqonli maktab ta’limini olishini ta’minlashga yordam beradi. Bu O‘zbekiston Respublikasi Tashqi ishlar vazirligi Matbuot kotibi Yusup Qobuljonov aytganlaridan ayon bo‘lmoqda.
25-26 iyul kunlari Toshkentda "Afg‘oniston: xavfsizlik va iqtisodiy taraqqiyot" xalqaro konferensiyasi bo‘lib o‘tadi. Unda ishtirok etish uchun “Tolibon” vakillari allaqachon Toshkentga yetib kelgan.
Yusup Qobuljonovga ko‘ra, bo‘lajak konferensiyaning asosiy vazifalari quyidagilardan iborat:
• Afg‘oniston yo‘nalishida xalqaro hamjamiyatning muvofiqlashtirilgan harakatlarini, ushbu mamlakatning iqtisodiy tiklanishi, afg‘on xalqiga shoshilinch gumanitar yordam ko‘rsatish bo‘yicha aniq takliflarni ishlab chiqish;
• Afg‘oniston yangi hukumati tomonidan jahon hamjamiyatining asosiy talablarini (keng vakillik asosida hukumat tuzish, xotin-qizlar huquqlariga rioya qilish va qizlarning to‘laqonli maktab ta’limi olishini ta’minlash) bajarish jarayonini tezlashtirish masalasida xalqaro samarali muloqotni yo‘lga qo‘yish. Bu Afg‘onistondagi milliy yarashuv jarayonini oxiriga yetkazishning asosiy sharti bo‘ladi;
• Afg‘oniston Muvaqqat hukumati tomonidan ushbu mamlakat hududidan qo‘shni davlatlar, mintaqaning boshqa davlatlari va butun dunyo xavfsizligi manfaatlariga qarshi foydalanishga yo‘l qo‘ymaslik bo‘yicha olgan majburiyatlarni tasdiqlash;
• Afg‘onistonning chet eldagi moliyaviy aktivlariga qo‘yilgan chekovlarni bekor qilish, shuningdek, mamlakat hududida transport-kommunikatsiya va energetika sohalarida turli infratuzilma loyihalarini amalga oshirish muhimligini tushuntirish.
Qayd etilishicha, mazkur loyihalarning amalga oshirilishi nafaqat minglab ish o‘rinlarini yaratishga, afg‘on jamiyatining ijtimoiy-iqtisodiy muammolarini hal etishga, balki Afg‘oniston zaminida uzoq kutilgan tinchlik va barqarorlikni o‘rnatishga xizmat qiladi.
Live
BarchasiZangiotadagi binoda yong‘in chiqdi
15 Noyabr
Sudan armiyasi nazoratni qayta tikladi
15 Noyabr
Qora dengizda dron kemaga hujum qildi
15 Noyabr